سروده:سالاری
تک نزنی هوش و حواسم جمه
وم گوتنه سر مویری وا پمه
لیوه منم د سینه ای آسمو
کفترمه وه شوق تو پر دمه
کز نکو ها چی بکی تش بریق
یادمه سالی ک لفوت زمه
خو فمسم زلزله چن ریشتری
خو دونسی قلب مه ارگ بمه
رازتونه د سینه مه هوفتسه
حرف بزه ساکتی سی مه سمه
گیڙم وبی حالمو انگار مس
پیاله چشت بیه بلا جو همه
وت گوتنه ک حلقه داغت منم
داڠ بنی داۼ ننی وا نمه
ایسه دونم دوننه کی پاشنی
ملیچیا هرچی گوتن دت کمه
آی-ویدئو